柯尊鼎教練昨日在香港泰拳冠軍爭奪戰中其學生勇奪女子組三條冠軍金腰帶

2016-10-23

榮獲2016叱吒武林傑出泰拳教練之柯尊鼎先生，其學生昨日在香港泰拳冠軍爭奪戰中勇奪女子組三條冠軍金腰帶！
下述轉載自柯尊鼎師傅fb！
今晚2016年香港泰拳冠軍爭奪戰，對拳館嚟講係豐收嘅一日，亦係令我又驚又喜嘅一日。自從乖女 Venus Tsang 受傷冇打比賽後，培養咗幾個新女拳手出嚟，同乖女及其他教練付出咗極大嘅心機同時間落去，終於幾個妹都漸漸獨當一面，由當初嘅死妹，到依家响同一日送咗三條金腰帶俾我，更幫我同我嘅團隊創下囊括女子A組所有級別拳王嘅佳績。真係飲得杯落。
尤其令我擔心嘅 阿Ling ，有非常高嘅實力嘅佢，往往因為心理質素而導致發揮得唔好，今次亦使我好擔心。但今日呢個衰女發揮到多少少出嚟，成功衛冕51kg女拳王，真係開心到想喊
Yu Yau Puii 係三個中我擔心最小嘅，因為佢係一個好有目標嘅女仔，好清楚自己想要啲乜，每次俾意見佢同安排練習俾佢，都必定盡力做到最好。呢一年嚟睇住魷魚一次又一次嘅突破進步，真心覺得佢應該會响泰拳路上走得更高更遠.Candy Wuu 灘欣今次自動衛冕，但我深知佢嘅實力係實至名歸嘅。嚟緊28/10會打一塲硬仗，一定要盡力去打呀。
並且非常感謝我嘅團隊教練，每日都陪我一齊去拼搏，希望日後可培訓出更多嘅精英！